Club Capital-ը կազմակերպում է միջազգային բիզնես ֆորում՝ «Միջազգային շուկան հասանելի է» թեմայով

Club Capital-ը, որը հանդիսանում է «Ալյանս Ակումբների» միջազգային ցանցի անդամ, նախաձեռնում է բացառիկ բիզնես ֆորում՝ նպատակ ունենալով հայ գործարարներին կապել համաշխարհային շուկաների հետ։

«Միջազգային շուկան հասանելի է» ֆորումը, որն իր հյուրընկալ դռները կբացի մարտի 6-ին (ժամը 17:00- 22:00) Radisson Blu Hotel-ում,  հնարավորություն կտա մասնակիցներին ծանոթանալ տարբեր երկրների գործարար միջավայրերին, շուկայի առանձնահատկություններին և ստեղծել նոր գործարար կապեր։ 

Ֆորումի շրջանակներում իրենց փորձով կկիսվեն հետևյալ միջազգային բիզնես առաջնորդները՝

Vision բիզնես ակումբ (Դուբայ) – Ալեքսեյ Նակազնի, Դարիա Նակազնայա

Թեմա – Բիզնեսը Դուբայում. Հնարավորություններ և առանձնահատկություններ

Bizon բիզնես ակումբ (Եվրոպա) – Իգոր Ժիժիչ

Թեմա – Բիզնեսը Եվրոպայում. Հնարավորություններ և առանձնահատկություններ

Yard BC բիզնես ակումբ (Ուզբեկստան) – Արսեն Դլյանչև

Թեմա – Բիզնեսը Ուզբեկստանում. Հնարավորություններ և առանձնահատկություններ

Syndicate բիզնես ակումբ (Ղազախստան) – Ադիլետ Ակունբայ

Թեմա – Բիզնեսը Ղազախստանում. Հնարավորություններ և առանձնահատկություններ

Sales & Management միջազգային խորհրդատվական ընկերություն – Պյոտր Դորոշ

Թեմա – Ինչպե՞ս ստեղծել միջազգային թիմ, միջազգային բիզնես անելու համար

Club Capital և Club Capital Business(Հայաստան)  – Գրիգոր Առաքելյան

Թեմա – Բիզնես ակումբները որպես արտաքին տնտեսական կապեր ստեղծելու արդյունավետ հարթակներ

Club Capital-ը միջազգային պրեմիում բիզնես ակումբ է, որը միավորում է Հայաստանի խոշոր և միջին բիզնեսի շուրջ 300 գործարարների։ Ակումբի առաքելությունն է զարգացնել բիզնես համայնքը, ապահովել միջազգային շփման հնարավորություններ և ստեղծել վստահելի գործարար հարաբերություններ։

Club Capital-ը «Ալյանս Ակումբների» միջազգային ցանցի անդամ է, որը կապում է աշխարհի 9 երկրների բիզնես-ակումբներին՝ նպաստելով միջազգային գործարար համագործակցությանն ու զարգացմանը։

Բացառիկ միջոցառմանը կարող են մասնակցել Club Capital-ի անդամ չհանդիսացող 40 գործարարներ, ովքեր հետաքրքրված են Դուբայի, Եվրոպայի, Ուզբեկստանի և Ղազախստանի շուկաների հետ համագործակցությամբ։

Տեղերի քանակը սահմանափակ է, ուստի խորհուրդ է տրվում նախապես գրանցվել։ Նշենք նաև, որ միջոցառման լեզուն ռուսերեն է։