նախընտրելի դարձնելԻրավիճակի փոփոխությունը Ուկրաինայում կփոխի իրավիճակը Հարավային Կովկասում, Ռուսաստանը, որն իրեն հաղթական կզգա և ստիպված չի լինի այդքան հսկայական ուժեր ծախսել Ուկրաինայի պատերազմի վրա, իրեն այլ կերպ կդրսևորի։ Դրա մասին NEWS.am-ի թղթակցի հետ զրույցում նշել է քաղաքագետ Ալեքսանդր Իսկանդարյանը։
«Սակայն ես չեմ կարծում, թե Ռուսաստանը կվերականգնի իր նախկին դիրքերը հետխորհրդային տարածքում, մասնավորապես՝ Հարավային Կովկասում։ Կարծում եմ, որ դա այլևս հնարավոր չէ: Ռուսաստանի քաղաքականության մեջ փոփոխություն կլինի, այն կլինի իրավիճակային, բայց դժվար թե հեղափոխական լինի:
Նույն գետը երկու անգամ մտնել հնարավոր չէ։ Փոփոխություններ կլինեն, բայց դրանք շատ արմատական չեն կարող լինել»,- նշել է Իսկանդարյանը։
Նրա կարծիքով՝ Հայաստանի և Ադրբեջանի կոնֆիգուրացիայում վերադառնալու տեղ չկա:
«Այն գործիքները, որոնցով Ռուսաստանն ազդել է այդ երկրների վրա, պարզապես գոյություն չունեն։ Լեռնային Ղարաբաղի գոյությունը նման գործիք էր Հայաստանի և Ադրբեջանի միջև։ Որպեսզի Ռուսաստանը ազդի Հայաստանի վրա, նրան պետք էր Ադրբեջանը, իսկ Ադրբեջանի վրա ազդելու համար՝ Հայաստանը։ Իսկ արանքում այս իրավիճակը ստեղծող ԼՂՀ-ն էր։ Այդ ամենը հիմա չկա: «Ուստի բարդ է պատկերացնել վերադարձ»,- եզրափակել է Իսկանդարյանը։
