նախընտրելի դարձնելՀայաստանի Հանրապետությունը ոչ մի անգամ, ոչ մի տեղ, ոչ մի փաստաթղթով ոչ գրավոր, ոչ բանավոր չի համաձայնել, պարտավորվեր, որ տարածաշրջանաին ապաշրջափակման համատեքստում Հայաստանի ինքնիշխանությունը, իրավազորությունը, տարածքային ամբողջականությունը որեւէ ձեւով կարող է նսեմացվել, կամ որեւէ ձեւով կարող է սահմանափակվել: Այս մասին այսօր՝ փետրվարի 26-ին, ԱԺ-ում լրագրողների հետ զրույցում ասել է ՀՀ վարչապետ Նիկոլ Փաշինյանը:
«Այսինքն սա ուզում եմ, որ մենք հստակ արձանագրենք: Եւ մենք պատկերացնում ենք, որ էն լուծումները, որոնք առաջարկել ենք, պատկերացնում ենք փոխադարձության սկզբունքով: Էլի ուզում եմ՝ մենք բոլորս հիշենք, որ ՀՀ-ում երկաթուղային ցանցի ամբողջականությունը ապահովում է Նախիջեւանի տարածքով»,-ասաց Փաշինյանը՝ նշելով, որ ավելին չի կարող բացահայտել՝ ելնելով նրանից, որ բանակցություններ են ընթանում:
Հարցին, թե արդյոք տեսնում պատերազմի վտանգ, Փաշինյանն ասաց. «Իմ գնահատականն այն է, որ տարածաշրջանում պատերազմի կամ էսկալացիայի ոչ պատճառ, ոչ նախադրյալ, հիմք եւ հիմնավորում չկա»:
Հարցին, թե ինչպես է գնահատում շանսերը Գյումրիի ՏԻՄ ընտրություններին, Փաշինյանն ասաց, որ գյումրեցին կասի իր խոսքը ընտրություններին:
