նախընտրելի դարձնելԵս կարծում եմ, որ Փաշինյանը հիմա արտաքին ուժերից ոչ մեկին պետք չէ: Դրա մասին NEWS.am-ի թղթակցի հետ զրույցում հայտարարել է ընդդիմադիր պատգամավոր, Հայաստանի Հանրապետական կուսակցության անդամ Հայկ Մամիջանյանը։ Նա ենթադրում է, որ Փաշինյանի հեռացման համար պարարտ հող է ստեղծվել:
Մամիջանյանը հավելում է, որ երբ որևէ ուժ որևէ արտաքին ուժի միջոցով իշխանափոխություն է իրականացնում, հետո հաշվետու է դառնում այս արտաքին ուժին, սկսում է իր կամքը կատարել և դառնում խամաճիկ, իսկ դա ՀՀԿ-ին հարիր չէ։
«Փաշինյանը հաշվետու է շատ մարդկանց: Ենթադրում եմ, որ նա այժմ քաղաքական երաշխիք է ակնկալում Թուրքիայից»,- նշում է պատգամավորը։ Նա մարդկանց կոչ է անում չտրվել՝ «մարդիկ պետք է ապահո՞վ ապրեն, թե՞ բարեկեցիկ» թեմայով բանավեճեր անցկացնելու շուրջ Փաշինյանի մանիպուլյացիաներին։
«Այդտեղ քննարկելու բան չկա։ Պետությունը պետք է զբաղվի ամեն ինչով՝ տնտեսությամբ, անվտանգությամբ, արտաքին քաղաքականությամբ։ Փաշինյանն նման կերպ փորձում է գոնե ինչ-որ օրակարգ ձևակերպել 2026 թվականի ընտրությունների համար, եթե առհասարակ բանը ընտրություններին հասնի։ Մինչ այդ Փաշինյանը փորձեց այսպես կոչված խաղաղության պայմանագիրն օգտագործել որպես նախընտրական բուկլետ, բայց դրանից էլ բան դուրս չեկավ։ Բացի դրանից, նա փորձեց ԱՄՆ-ի հետ ստորագրված խարտիան ներկայացնել որպես եղբայրության դաշնագիր, բայց դրանից էլ բան դուրս չեկավ, ինչպես նաև Եվրամիության համար բարձրացրած կենացը, որտեղից ոչ մի արձագանք չեղավ»,- ընդգծեց Մամիջանյանը։
