նախընտրելի դարձնելԵս կասկած չունեմ, ես գիտեմ, որ Ռուբեն Վարդանյանը պատկերացնում էր ինչ տեղի կունենա, ուղղակի հիմարները, որոնք չեն հասկանում, թե ինչի Ռուբեն Վարդանյանը գնաց Արցախ, նրանք չեն ճանաչում, չգիտեն, որ մեծագույն հայրենասեր է և դա է դրդել իրեն: Այս մասին այսօր՝ մարտի 7-ին, լրագրողների հետ զրույցում նշեց արդեն 7-րդ օրը հացադուլ հայտարարած Մանե Թանդիլյանը՝ անդրադառնալով նրան, որ Ռուբեն Վարդանյանը Բաքվի բանտից իրական և երկարատև խաղաղության կոչ է արել, նշելով, որ ինքը զոհ չէ, գիտակցում էր, թե ինչի է գնում, երբ մեկնեց Արցախ։
«Նրանք, ովքեր երբեք նման բան չէին անի, պատկերացում անգամ չունեն ում մասին և ինչ են խոսում, թե այդքան փողեր ուներ, ինչի գնաց: Որովհետև դուք փոքր եք, ճղճիմ եք, չհամեմատվեք Ռուբեն Վարդանյանի հետ ու չհամարձակվեք դատողություններ անել, որոնցից գաղափար չունեք:
Մեկն էլ ես եմ, որ գնացել եմ, որովհետև սիրտս ցավում է, ապրելը դժվար է այդ ամենը տեսնելու: Եթե այդ մարդիկ նման հարցեր են բարձրացնում, դուք ուղղակի համարեք, որ իրենք խոսում են իրենց մասին: Միշտ այդպես է, յուրաքանչյուր ոք համեմատում է իր հետ, որ ինքը երբեք չէր անի, եթե ինքը լիներ, ունենար նման միջոցներ, նա ուղղակի վայելքների մեջ կլիներ ու թքած կունենար հայ ազգի վրա։ Իսկ Ռուբեն Վարդանյանը այդպիսին չէ և չհամեմատվեք ու կասկածի տակ չդնեք նրա Արցախ մեկնելու մաքրությունը և իսկականությունը»,- հայտարարեց Թանդիլյանը:
Անդրադառնալով Միջազգային հարցերով Հայաստանյան ներկայացուցիչը Եղիշե Կիրակոսյանի հրաժարականին եւ խոսակցություններին, որ պատճառն այն է, որ ըստ խոսակցությունների, Հայաստանը պատրաստվում է հետ քաշել Ադրբեջանի դեմ իր այցերը միջազգային ատյաններից, Թանդիլյանն ասաց. «Նա, կարծեմ պարզաբանում է տվել, թե հիմա որքանով է դա իրական պատճառը, Եղիշեի գործն է բայց այն որ Հայաստանը նման մտադրություն հրապարակային հայտնել է դա փաստ է: Իրեն հարգող յուրաքանչյուր իրավաբան, ով այդ գործով զբաղվում էր, իսկապես պիտի նման քայլերի դիմեր մի բան էլ ավելին, որովհետև դա ամոթ է:
Եթե մեր հայցերը ամբողջովին բովանդակային հիմնավոր փաստերով հայցեր են Ադրբեջանը ֆիքտիվ հայցեր են, որոնք որ հայելային ձևով նրանք նման գործողություններ պարբերաբար անում են: Նաև արցախահայության մասով են ստեղծել մի հատ ինչ-որ ադրբեջանցիների խմբակ, որոնք նույնպես պիտի վերադառնան, այսինքն նրանք հայելային գործողություն են անում, որ այդ գործիքով հետագայում ճնշեն, ստիպեն, որ իրական գործընթացները Հայաստանը դադարեցնի։
Ինչը և տեղի է ունեցել նաև այդ հայցերի միջոցով, հետևաբար ամոթ է, եթե Հայաստանը հրաժարվի այդ հայցերից՝ հրաժարվելով ևս մեկ գործիքից, որը ճնշման գործիք է Ադրբեջանի վրա, ինչպես հրաժարվելը բազմաթիվ այլ գործիքներից ու դիմացը ստացել է ոչինչ»:
