նախընտրելի դարձնելՈւկրաինական կարգավորման հարցում Ռուսաստանի դիրքորոշումը բացարձակապես պարզ է և թափանցիկ, իսկ ռուսական առաջարկները՝ շռայլ։ Այստեղ ի՞նչ կա զիջելու: Դրա մասին NEWS.am-ի թղթակցի հետ զրույցում նշել է ՌԴ ԱԳՆ- Մոսկվայի Միջազգային հարաբերությունների պետական ինստիտուտին (МГИМО) առընթեր Միջազգային հետազոտությունների ինստիտուտի առաջատար գիտաշխատող, քաղաքագետ Նիկոլայ Սիլաևը։
Նա պարզաբանել է, որ ռուսական կողմի առաջ քաշած հրադադարի պայմանները հայտնի են դեռ անցյալ տարվա հունիսից։
«Այն ժամանակ, ելույթ ունենալով ԱԳՆ-ի նիստում, Պուտինն ասաց, որ Մոսկվան պատրաստ է դադարեցնել կրակը՝ պայմանով, որ ուկրաինական զորքերը լքեն Ռուսաստանի տարածքը (խոսքը Դոնեցկի Ժողովրդական Հանրապետության, Լուգանսկի Ժողովրդական Հանրապետության, Խերսոնի և Զապորոժիայի շրջանների մասին է), Ուկրաինան հայտարարի իր չեզոքության մասին, և Ռուսաստանի դեմ պատժամիջոցները չեղարկվեն։
Նա հավելել է, որ այդ ամենը կապված չէ նրա հետ, թե Ռուսաստանի ինչ-որ բան է ուզում կամ չի ուզում, այլ կապված է նրա անվտանգության ապահովման, անվտանգության ոլորտում իր հիմնարար շահերը պաշտպանելուն, ինչպես նաև «ԴԺՀ-ում, ԼԺՀ-ում, Խերսոնի և Զապորոժիե մարզերում ապրող ՌԴ քաղաքացիների որոշումների հետ»։
«Իրականությունը, որը ձևավորվել է տեղում, բաղկացած է ոչ միայն ռազմական գործողությունների, այլև 2022 թվականին Ռուսաստանի կազմում գտնվող չորս շրջաններում տեղի ունեցած հանրաքվեների արդյունքներից։
Ամբողջ հարցն այն է, թե նախօրեին անցկացված հանդիպմանը ինչպես և կոնկրետ ինչ են համոզել ամերիկացիները Կիևին անելու։ Ուկրաինայի հետ ժամանակավոր հրադադարի մասին Ռուսաստանի համաձայնությունը կախված է նրանից, թե կոնկրետ ինչ կասեն ԱՄՆ ներկայացուցիչները։ Շփումների ընթացքում ամերիկացիները ուրվագծելու են, թե էլ ինչ է իրենց հաջողվել համոզել Ուկրաինային։ Կախված դրանից՝ որոշումներ կընդունվեն Ռուսաստանում։
Այն կուրսը, որով այժմ ընթանում է Միացյալ Նահանգները, բնորոշ չէ վերջին տասնամյակների նրա քաղաքականությանը։ Եթե Վաշինգտոնը վերադառնա իր նախկին կուրսին, դա նշանակում է՝ բանակցությունները տապալվելու են»,- նշել է Սիլաևը։
