նախընտրելի դարձնելՀայաստանը չի տրվում Ադրբեջանի սադրանքներին ու ճնշումներին։ Այս մասին մարտի 18-ին լրագրողների հետ զրույցում ասել է կառավարող «Քաղաքացիական պայմանագիր» խմբակցության քարտուղար Արթուր Հովհաննիսյանը։
Նա վստահեցրել է, որ Հայաստանը դեռեւս չի գնացել որեւէ զիջման՝ համաձայն խաղաղության պայմանագրի տեքստի, եւ չի կատարել Բաքվի պահանջներից որեւէ մեկը։
Նրա խոսքով՝ խաղաղության պայմանագրի տեքստում Հայաստանին վերաբերող եւ Ադրբեջանին չվերաբերող ոչինչ չկա, հետեւաբար միակողմանի զիջումների մասին խոսք լինել չի կարող։
Երեւանն ու Բաքուն պայմանավորվել են, որ Հայաստանի եւ Ադրբեջանի սահմանին երրորդ ուժերի ներկայացուցիչներ չեն լինի, նշել է Հովհաննիսյանը։
Պատգամավորը նշել է, որ ադրբեջանական զինված ուժերի դուրսբերումը Հայաստանի օկուպացված տարածքներից պետք է տեղի ունենա սահմանազատման սկզբի հետ՝ սահմանի այդ տեղամասերում։
