նախընտրելի դարձնելԱյս պատմության մեջ ինձ համար գերարագ ինտերնետի վերաբերյալ շատ հարցեր են մնում։ Այս մասին NEWS.am -ի թղթակցի հետ զրույցում ասաց տեղեկատվական անվտանգության փորձագետ Արթուր Պապյանը՝ մեկնաբանելով STARLINK-ի պաշտոնական հայտնվելը Հայաստանում։
«Ես այն փորձարկել եմ Երևանում, կապը պարբերաբար բարելավվում և վատանում է։ Ես խորհուրդ եմ տալիս նրանց, ովքեր խոսում են STARLINK-ի գնման մասին՝ պարզելու, թե արդյոք այն աշխատում է իրենց տարածքում, թե ոչ»,- նշել է փորձագետը։
Ցանկացած խոչընդոտ, նույնիսկ մի քանի ծառի ճյուղեր, դեպի ալեհավաք տանող ճանապարհին կարող է բարդացնել STARLINK-ի աշխատանքը»,- նշեց փորձագետը։
Նրա խոսքով, եթե ոչ այս սխալները, ապա դրա՝ Հայաստանում հայտնվելը շատ լավ նորություն է։
«Հայտնի է, որ Հայաստանում պարբերաբար նկատվում են կապի լուրջ խափանումներ, որոնք պայմանավորված են Վրաստանից եկող մալուխներով, և նման պայմաններում STARLINK-ը կապի լավ այլընտրանքային աղբյուր կարող է լինել հատկապես այն բիզնեսների համար, որոնք մեծապես կախված են ինտերնետից։
Սա նաև լավ նորություն է նրանց համար, ովքեր ապրում են գյուղական վայրերում, որտեղ լավ կաբելային ինտերնետ հասանելի չէ: Այս դեպքում իմաստ ունի տեղադրել STARLINK-ը: Սակայն սա ամենամատչելի լուծումը չէ»,- ասաց Պապյանը։
Նա հիշեցրեց, որ STARLINK-ն օգտագործվում է ուկրաինական պատերազմում, և ռուսական կողմում նույնպես, բայց պետք է հիշել, որ սա քաղաքացիական, այլ ոչ թե ռազմական կապ է։
«Կապի ցանկացած այլընտրանքային աղբյուր կարելի է լավ նորություն համարել մեզ համար, քանի որ մենք խոցելի ենք, քանի որ մալուխները գալիս են Վրաստանից, մասամբ՝ Իրանից, և եթե ինչ-որ տեղ անսարքություն է լինում, դա հանգեցնում է կապի վատթարացման։ Ամեն դեպքում, պետք չէ գերագնահատել այս իրադարձության կարևորությունը»,- եզրափակեց փորձագետը։
