նախընտրելի դարձնելՄինչեւ 2021-2022թթ. Վազգեն Սարգսյանի անվան ռազմական ակադեմիայի պայմանները ծայրահեղ անմխիթար էին։ Այս մասին ապրիլի 17-ին Ազգային ժողովի նիստում հայտնել է պաշտպանության եւ անվտանգության հարցերի մշտականխորհրդարանական հանձնաժողովի փոխնախագահ, կառավարող «Քաղաքացիական պայմանագիր» խմբակցության պատգամավոր Արմեն Խաչատրյանը, կառավարության 2024թ. (2021-2026թթ.) ծրագրի կատարման եւ արդյունքների քննարկման ընթացքում։
Նրա խոսքով՝ անգամ ֆիզկուլտուրայի ամբիոն չի եղել, իսկ ներսում ամեն ինչ քանդված էր։ «Ակադեմիան չուներ լիարժեք դասախոսական ամբիոններ։ Եղել է տարի, երբ դիմորդների թիվը 16 էր, այս պայմաններում մենք պատկերացնում էինք բանակ առանց հիմնական կրթությամբ սպաների»,- ասել է Խաչատրյանը։
Նա ընդգծել է, որ 2022-ից ոլորտում լայնածավալ բարեփոխումներ են իրականացվում։
«Պետությունը կարեւորել է բարձրակարգ զինվորականների պատրաստման գործընթացը, որի արդյունքում Ռազմական ակադեմիան կարճ ժամանակում կարողացել է դառնալ աշխարհի առաջատար ռազմաուսումնական հաստատություններից մեկը։ Համալսարանն ավարտած սպաներն այժմ երեք սենյականոց բնակարան են ստանում Երեւանում։ Սա աննախադեպ սոցիալական աջակցություն է»,- նշել է կառավարող խմբակցության պատգամավորը։
Բացի բազային ռազմական կրթությունից, նա նշել է, որ ակադեմիան ներդրել է նաեւ քաղաքացիական առարկաներ, որոնք համակցվում են Երեւանի պետականհամալսարանի եւ Բրյուսովի անվան պետական համալսարանների կրթական ծրագրերի հետ։ «Այժմ մենք ունենք սարքավորումներ, այդ թվում՝ թուրքերենի ուսուցման բաժիններ։ «Ակադեմիայում ֆիզիկական պատրաստվածության 7-8 առարկա է դասավանդվում»,- եզրափակել է Արմեն Խաչատրյանը։
