ՆախընտրելիԱյսօր Արթիկ համայնքի ղեկավար Անան Ոսկանյանը տեղակալներ Վարդան Մակեյանի, Արման Աջամօղլյանի և համայնքապետարանի ոլորտային պատասխանատուների հետ այցելել է Արթիկ քաղաքի Բաբաջանյան փողոց, որտեղ երեկ ուժեղ պտտահողմը վնասել էր տանիքներ, արմատախիլ էր արել ծառեր։
Համայնքի ղեկավարի օգնական Սևակ Պետոյանը NEWS.am–ի հետ զրույցում նշեց, որ համայնքի ղեկավարը շրջել է տարածքում, տեղում ծանոթացել պատճառված վնասներին, զրուցել բնակիչների հետ, հանձնարարել ոլորտային պատասխանատուներին շրջել տուն առ տուն, ամենայն մանրամասնությամբ գույքագրել վնասները։
«Ստեղծվել է աշխատանքային հանձնաժողով Արթիկ համայնքի Արևշատ, Սարալանջ, Նահապետավան, Հառիճ, Փոքր Մանթաշ, Մեծ Մանթաշ Գեղանիստ գյուղերում տեղացած խոշոր չափերի կարկուտի և Արթիկ քաղաքում ուժեղ պտտահողմի հետևանքով պատճառված վնասների չափերն ուսումնասիրելու նպատակով։
Հանձնաժողովի նախնական ուսումնասիրության արդյունքում պարզվել է, որ Մեծ Մանթաշ, Փոքր Մանթաշ, Գեղանիստ, Արևշատ և Հառիճ գյուղերում կարկտահարության վնասները գնահատվել են մինչև 10 տոկոս»,–ընդգծեց նա։
