նախընտրելի դարձնելԵս չեմ բացառում, որ Հայ Առաքելական Եկեղեցու Շիրակի թեմի առաջնորդ Միքայել արքեպիսկոպոս Աջապայանի դիմումը կբավարարվի։ Այս մասին դեկտեմբերի 11-ին լրագրողների հետ զրույցում հայտարարել է ՀՀ առողջապահության նախարար Անահիտ Ավանեսյանը։
«Մենք ուշադիր էինք յուրաքանչյուր մարդու, այդ թվում՝ Միքայել Աջապայանի առողջության նկատմամբ և անհրաժեշտ բժշկական օգնությունը ժամանակին տրամադրվեց։
Դիմումը մենք այսօր ենք ստացել։ Մենք կքննարկենք այն և կգործենք օրենքի համաձայն։ Այս վերաքննիչ բողոքը վերաբերում է կոնկրետ բժշկական կենտրոնում բժշկական ծառայություններ ստանալուն», - հավելել է Ավանեսյանը։
Նա նշել է, որ դիմումը պետք է համապատասխանի բոլոր ընթացակարգերին՝ ընթացք ստանալու համար։ «Մենք երբեք նման հարցում չենք ստացել», - վստահեցրել է նախարարը։
Նա համոզված է, որ բանտարկման մեջ գտնվող բոլոր քաղաքացիները ստանում են անհրաժեշտ բժշկական ծառայություններ։
«Չկա որևէ մի անձ քրեակատարողական հիմնարկներում, ով ոանհրաժեշտություն ունի բուժզննման, սպասարկման, վիրահատության, որը ինչ-որ կերպ սահմանափակված է նրա իրավունքը», - եզրափակել է Ավանեսյանը։
Միքայել Սրբազանի պաշտպանները՝ նրա առողջական վիճակի ու վիրահատության մասին
