նախընտրելի դարձնելՀայտարարեր, թե չհայտարարեր, մենք ակնհայտորեն տեսնում ենք եվրոպական կառույցների բացահայտ աջակցությունը այսօրվա կառավարիչներին։ Այս մասին, այսօր՝ դեկտեմբերի 19–ին, հակակոռուպցիոն դատարանի դիմաց լրագրողների հետ զրույցում նշեց ՀՀ երրորդ նախագահ Սերժ Սարգսյանը՝
«Ես չեմ կարծում, որ ինչ-որ մի երկրում տեղի ունեցած իրադարձությունները նույնությամբ կարող են կրկնվել մեկ այլ երկրում։ Ես մարմանասնություններով չգիտեմ, թե Մոլդովայում ինչ է եղել, որ հիմա ասեմ՝ Մոլդովայի սցենարն այստեղ կրկնվելո՞ւ է, թե՞ ոչ»,-ասաց Սերժ Սարգսյանը՝ արձագանքելով հարցին, թե հնարավոր համարո՞ւմ է, որ Հայաստանում էլ մոլդովական սցենար կրկնվի, ինչի համար էլ ԵՄ-ից աջակցում են Հայաստանին։
Սերժ Սարգսյանը չբացառեց, որ կարող են որոշ կուսակցություններ փակել։
Հիշեցնենք՝ ԵՄ դիվանագիտության ղեկավար Կայա Կալլասը հայտարարել էր, որ 2026-ի հունիսին կայանալիք խորհրդարանական ընտրություններից առաջ Հայաստանն օգնություն է խնդրել ԵՄ-ից։
«Հայաստանում մյուս տարի ընտրություններ են, և մենք պետք է տեսնենք, թե ինչ կարող ենք անել նրանց օգնելու համար։ Հայերը դիմել են մեզ՝ խնդրելով արտաքին միջամտության դեմ պայքարում նույնպիսի աջակցություն ցուցաբերել, ինչպիսին մենք տրամադրել ենք Մոլդովային», - ասել էր ԵՄ դիվանագիտության ղեկավարը։
