նախընտրելի դարձնելԱյն պահին, երբ ԱՄՆ փոխնախագահ Ջեյ Դի Վենսը ժամանեց ՀՀ վարչապետի նստավայր՝ Բաղրամյան 26, այդ հատվածում արցախիցները բողոքի ակցիա էին իրականացնում։ Նարքն անգլերենով վանկարկում էին՝ «Ազատություն հայ պատանդներին»։
Ցուցարարների ձեռքին կան հայ գերիների նկարներով պաստառներ, վրան անգլերենով գրված անունները։
Արցախի մարդու իրավունքների նախկին պաշտպան Արտակ Բեգլարյանը ակցիայի ընթացքում դիմեց ԱՄՆ փոխնախագահին` հորդորելով Բաքու կատարելիք առաջիկա այցի ժամանակ բարձրացնել 19 հայ պատանդներին անհապաղ ազատ արձակելու, անհետ կորածների ճակատագրերը պարզաբանելու և Արցախի ժողովրդի վերադարձի համար անհրաժեշտ գործնական մեխանիզմներ ներդնելու հարցերը։
Նշենք, որ Վենսին ուղեկցում են մեկ ուղղաթիռ և մի մոտ 3 տասնյակ զրահապատ մեքենաներ։
Վենսին դիմավորել է վարչապետ Նիկոլ Փաշինյանը։
Նշենք, որ ԱՄՆ փոխնախագահին «Զվարթնոց» օդանավակայանում դիմավորել էին ԱԺ նախագահ Ալեն Սիմոնյանը, Երևանի քաղաքապետ Տիգրան Ավինյանը, ԱԳ փոխնախարար Վահան Կոստանյանը, ԱՄՆ–ում Հայաստանի դեսպան Նարեկ Մկրտչյանը։
Ավելի վաղ NEWS.am–ը հայտնել էր, որ ԱՄՆ փոխնախագահ Ջեյ Դի Վենսը տիկնոջ՝ Ուշա Վենսի հետ փետրվարի 9–ին, պաշտոնական այցով ժամանել է Հայաստան։
Ամերիկյան պատվիրակության կազմում է նաև ԱՄՆ պետքարտուղարի տնտեսական հարցերով տեղակալ Ջեյքոբ Հելբերգը։ Վերջինս գրառում է արել՝ Հայաստան ժամանելուն պես. «Հաջորդ կանգառը՝ Երևան, Հայաստան»,-գրել է նա:
ԱՄՆ փոխնախագահի և ՀՀ վարչապետի հանդիպումից հետո նրանք հանդես կգան հայտարարություններով:
