Իսրայելի բանակը մայիսի 6-ին ավիահարվածներ է հասցրել Գազայի հարավին՝ Ռաֆահի արևելյան հատվածին։ Դրա մասին հայտնել են պաղեստինյան անվտանգության ուժերի աղբյուրներն ու ականատեսները։

Ըստ Xinhua-ի՝ իսրայելական ավիահարվածների արդյունքում Գազայի օդանավակայանի մերձակայքում և Ռաֆահից արևելք՝ Ալ-Սալամ շրջանի ծայրամասերում հրդեհի օջախներ են առաջացել: Հարձակման հետևանքով հզոր պայթյուններ են եղել, որոնք զգալի վնասներ են հասցրել մոտակա շենքերին:

Նախքան հարձակումը սկսելն իսրայելական բանակը կոչ էր արել պաղեստինցի խաղաղ բնակիչներին ժամանակավորապես տարհանելու Ռաֆահից։