Էկվադորի ոստիկանությունն առգրավել է մոտ մեկուկես տոննա թմրանյութ երկրի արեւմուտքում իրականացրած գործողությունների արդյունքում։
«Գուայակիլում, պահեստներից մեկի տարածքում առգրավվել է կես տոննա կոկաին, որը նախատեսված էր արտասահման ուղարկելու համար։ Ձերբակալվել է մեկ մարդ»,- նշվել է երկրի ոստիկանության X-ի էջում հրապարակված հաղորդագրությունում։ Եվս մեկ գործողության ընթացքում, որը տեղի էր ունեցել մեկ օր առաջ Գուայաս նահանգի տարածքում, առգրավվել է մեկ տոննա կոկաին, որը թմրաթրաֆիկի ցանցի կազմակերպիչները նախատեսում էին ուղարկել Բուլղարիա։
Մաքսանենգները հաճախ Էկվադորի տարածքն օգտագործում են Հարավային Ամերիկայից թմրանյութերը տարածաշրջանի այլ երկրներ տեղափոխելու համար՝ հետագայում Եվրոպա եւ ԱՄն ուղարկելու նպատակով։
