Սա մարող շարժում է եւ այսպիսի շարժումներ վերջին տարիներին շատ ենք տեսել: Այս մասին, այսօր՝ մայիսի 14-ին, Երեւանի ավագանու նիստում նշեց փոխքաղաքապետ Արմեն Փամբուխչյանը՝ անդրադառնալով Տավուշի թեմի առաջնորդի գլխավորած շարժմանը:
Հարցին՝ ինչի՞ց է նման եզրակացության հանգել, նա պատասխանեց. «Քաղաքացիների էներգետիկայից եւ շարժման անբովանդակությունից: Անբովանդակությունը հրաժարականի պահանջի բովանդակության մեջ է: Արդեն նշեցի, որ վերջին տարիներին շատ ենք տեսել նման հավաքներ, որոնք գնացել են մարման»:
Արմեն Փամբուխչյանը նկատեց, որ երբ շարժման մասնակիցները Տավուշից հասան Երեւան, փոխվեց շարժման բովանդակությունը եւ վերածվեց հրաժարականի պահանջի. «Հանրության արձագանքը եղավ այն, որ առաջին հանրահավաքից հետո սկսեցին չգնալ հանրահավաքներին»:
