Երևանի «Զվարթնոց» օդանավակայանում Ռուսաստանի ԱԴԾ սահմանային անցակետը մոտ ապագայում կփակվի, երեքշաբթի ասել է ՌԴ ԱԴԾ տնօրենի թեկնածու Ալեքսանդր Բորտնիկովը, փոխանցում է РИА Новости-ն։
Նրա խոսքով՝ Երեւանը դիմել է ռուսական կողմին՝ ռուս սահմանապահների ժամանակավոր օպերատիվ խմբերը դուրս բերելու խնդրանքով, նման որոշում է կայացվել։ «Միևնույն ժամանակ, Հայաստանը մեզ դիմեց խնդրանքով, այդ թվում՝ փակելու «Զվարթնոց» միջազգային օդանավակայանի անցակետը, ինչը, ըստ էության, մենք կանենք մոտ ապագայում»,- ասել է Բորտնիկովը Դաշնության խորհրդում լիագումար նիստում։
Միաժամանակ, նա ընդգծել է, որ ռուս սահմանապահները մնում են երկրում և հայկական կողմի խնդրանքով կհսկեն Թուրքիայի և Իրանի հետ սահմանը։