Իրանի նավթային եւ գազային ընկերության (NIOC) պլանավորման հարցերի գծով մենեջեր Ահմադ Ռաջաբին հայտնել է, որ երկիրը պատրաստվում է մինչեւ 2041թ. մոտ 275 մլրդ դոլար ներդնել նավթի եւ գազի հանքերի մշակման գործում, տեղեկացրել է Tasnim-ը։
Ընկերության մենեջերների առաջին կոնֆերանսում ունեցած ելույթի ժամանակ Ռաջաբին ասել է, որ ռազմավարական պլանները սահմանվել են եւ գտնվում են NIOC-ի ու նավթի նախարարության օրակարգում։
Նա ասել է, որ կան երկրում նավթի արդյունահանումը մինչեւ 2031թ. օրական 5,5 մլն բարելի հասցնելու պլաններ՝ մոտ 150 մլրդ դոլար ընդհանուր ներդրումների ծավալով։
Հում բնական գազի արդյունահանման ծավալը եւս նախատեսվում է մինչեւ 2031թ. ավելացնել՝ հասցնելով 1,5 մլրդ խորանարդ մետրի, մոտ 125 մլրդ դոլար ներդրումների ընդհանուր ծավալով։