Հայաստանում Ֆրանսիայի դեսպան Օլիվիե Դըկոտինյին արցախահայության իրավունքների ոտնահարման մասին գրառում է արել X -ի իր միկրոբլոգում։
 
«Ստեփանակերտ տանող ճանապարհին, որն այժմ փակ է: Լեռնային Ղարաբաղի 100 հազար հայեր այստեղով ստիպված են եղել լքել իրենց տներn Ադրբեջանի 9-ամսյա պաշարումից և դաժան հարձակումից հետո։ Արդարադատության միջազգային դատարանի ճանաչած՝ նրանց վերադարձի իրավունքն այսօր ոտնահարվում է»,- գրել է Ֆրանսիայի դեսպանը՝ հրապարակելով Մարտակերտի, Ստեփանակերտի, Դրմբոնի, Քարվաճառի և Սոթքի միջև  ընկած հեռավորությունները ցույց տվող ճանապարհային նշանի լուսանկարը։