Գերմանական BMW ավտոկոնցեռնը 2,8 մլրդ դոլար կներդնի Շենյանի (Չինաստանի հյուսիս-արեւելք) իր գործարանի արդիականացման համար, տեղեկացրել է «Սինհուա» գործակալությունը։
«Նախատեսված ներդրումներն ընդգծում են ոչ միայն մեր վստահությունը Չինաստանի երկարաժամկետ տնտեսական հեռանկարների հարցում, այլեւ մեր չինացի գործընկերների նորարարական հնարավորություններում»,- ասել է BMW-ի վարչության նախագահ Օլիվեր Զիպսեն։
Վերջին տարիներին BMW-ն ակտիվորեն ավելացնում է իր ներդրումները Չինաստանում, որտեղ գտնվում է խմբի ամենամեծ արտադրական բազան աշխարհում։ Անցած նոյեմբերին կոնցեռնը ավարտեց նոր գործարանի գլխավոր մասնաճյուղի կառուցումը Շենյանում։ Ծախսվել է մոտ 1,38 մլրդ դոլար։
