Ռուսաստանի նախագահ Վլադիմիր Պուտինը Եվրասիական տնտեսական բարձրագույն խորհրդի ընդլայնված կազմով նիստի ժամանակ միասնական տրանսպորտային համակարգի կառուցման գործում մատնանշել է ԵվրԱզԷՍ-ի մասնակիցների համակարգված փոխգործակցությունը:
Ըստ РИА Новости-ի՝ Պուտինը նշել է, որ «Հյուսիս-Հարավ» խոշորագույն միջազգային միջանցքի նախագծի աշխատանքներն ակտիվ փուլ են մտել, որն միավորման (ԵԱՏՄ) երկրների արտադրանքի համար ուղիղ ելք կապահովի դեպի Պարսից ծոցի և Հնդկական օվկիանոսի նավահանգիստներ։
«Շատ պետություններ և խոշոր տարածաշրջանային կառույցներ, մասնավորապես, Անկախ Պետությունների Համագործակցությունը, Շանհայի համագործակցության կազմակերպությունը և Հարավարևելյան Ասիայի երկրների ասոցիացիան, հետաքրքրություն են ցուցաբերում մեր միավորման նկատմամբ»,- ընդգծել է ՌԴ նախագահը:
Նա շեշտել է, որ Եվրասիական միությունը, նոր մարտահրավերներին ընդառաջ, ցույց է տվել իր արդյունավետությունը:
«Ասոցիացիայի երկրների միջև փոխգործակցությունը տրանսպորտի և լոգիստիկայի ոլորտում տարեցտարի ընդլայնվում է։ Լավ տեմպերով է աճում փոխադարձ բեռնափոխադրումների ծավալը, ինչին նկատելիորեն նպաստել է մեր պետությունների միջև սահմանային անցակետերի լրացուցիչ կազմակերպումն ու ընդլայնումը»,- հավելել է Վլադիմիր Պուտինը։
