Բելառուսը Ռուսաստանին կմիանա միջուկային զորավարժությունների երկրորդ փուլում, հայտնել է ՌԴ նախագահ Վլադիմիր Պուտինը։ Նրա խոսքով՝ լինելու է երեք փուլ։
Մայիսի 6-ին ՌԴ ՊՆ-ն տեղեկացրել է, որ Գլխավոր շտաբը նախագահ Վլադիմիր Պուտինի հանձնարարությամբ սկսել է պատրաստվել Հարավային ռազմական օկրուգի հրթիռային միավորումների եւ Ռազմածովային նավատորմի ուժերի զորավարժություններին. նախատեսվում է զորավարժությունների ժամանակ հղկել «ոչ ռազմավարական (անվանում են նաեւ տակտիկական) միջուկային զենքի կիրառման հմտությունները»։
Հաջորդ օրը Բելառուսի ՊՆ-ն հայտարարել է երկրի զինված ուժերում տակտիկական միջուկային զենք կրող միջոցների «հանկարծակի ստուգում» սկսելու մասին։