Եվրախորհրդարանի նախագահ Ռոբերտա Մետսոլան այցելել է Կիեւ։
Կիեւի կայարանում Մետսոլային ընդունելու լուսանկարը հրապարակել է նրան դիմավորած Գերագույն ռադայի խոսնակ Ռուսլան Ստեֆանչուկը։
«Այսօր Ուկրաինան նշում է Եվրոպայի օրը։ Մեր երկիրն ամեն օր հաստատում է իր նվիրվածությունը դեմոկրատիայի արժեքներին եւ իդեալներին։ Իդեալներ եւ արժեքներ, որոնց համար պայքարում է քաջ, խիզախ եւ անկոտրում ուկրաինացի ժողովուրդը։ Ազատ լինելու իրավունքի համար։ Իր անկախության եւ ինքնիշխանության համար։ Եվ այս կարեւոր օրը ուրախ եմ Կիեւում ողջունել Եվրոպական խորհրդարանի նախագահ Ռոբերտա Մետսոլային»,- գրել է Ստեֆանչուկը։
