Իսրայելի ՌՕՈւ-ն անցած օրը հարվածներ է հասցրել մոտ 80 թիրախի Գազայի հատվածի ողջ տարածքում։ Այս մասին տեղեկացրել է մամուլի ծառայությունը։
Նրա տեղեկացմամբ՝ հարձակման են ենթարկվել զինապահեստներ, արձակման կայանքներ, ռազմական օբյեկտներ եւ ենթակառուցվածքի այլ տարրեր, որոնք օգտագործել են պաղեստինցի արմատականները, ինչպես նաեւ զինված ջոկատներ հողի վրա։
Ռաֆահ քաղաքի (անկլավի հարավ) արեւելյան մասին հասցված ավիահարվածի հետեւանքով ոչնչացվել է «Իսլամական ջիհադ» արմատական կազմակերպության մարտական թեւի մարտավարական օղակի հրամանատարներից մեկը, ինչպես նաեւ երեք զինված արմատական, որոնք գործել են իսրայելական զորքերի դեմ, տեղեկացրել են բանակում։
Ջեբալիայի շրջանում (Գազայի հատվածի հյուսիս) ցամաքային ստորաբաժանումները գտել են զինապահեստ շենքերից մեկում, որը, իսրայելական կողմի տվյալներով, օգտագործել է ՄԱԿ փախստականների օգնության գործակալությունը։ Այստեղ էլ մերձամարտում ոչնչացվել են պաղեստինցի զինվորական արմատականներ, ավելացրել են բանակում։