Երևանում վերածնվելուց և Վ․ Մայակովսկու ստեղծագործությունների հիման վրա «Ամբողջ ձայնով» ներկայացման հունվարյան ցուցադրություններից հետո Ստեփանակերտի ռուսական դրամատիկական թատրոնը ներկայացրել է ևս երկու գարնանային բեմադրություն։
Մարտի վերջին հաջողությամբ տեղի ունեցավ «Իրանյան խորհրդաժողովը» փորձարարական ներկայացումը Ի․ Վիրապաևի պիեսի հիման վրա, իսկ ապրիլի սկզբին երևանյան հանդիսատեսը ականատես եղավ «Կաղմբի գլանափաթեթներ ըստ հայտարարության» բոցավառ կատակերգությանը ըստ Ա․ Ֆինկի պիեսի։
Ապրիլի ընթացքում դարձյալ տեղի ունեցան այս պիեսների մեկական ներկայացումներ։ Մայիսին թատրոնը նախատեսում է հյուրախաղերով հանդես գալ Հայաստանի մարզերում, իսկ հունիսին թատերաշրջանը կավարտի ևս մեկ պրեմիերայով։
Նշենք, որ Ստեփանակերտի ռուսական դրամատիկական թատրոնը հիմնադրվել է 2022 թվականի մարտին Ստեփանակերտ քաղաքում, ուր գործել է մինչև 2023 թվականի սեպտեմբերը։ ԴԻԱԼՈԳ կազմակերպության աջակցությամբ վերածնվել և գործում է Երևանում։ Թատրոնի հիմնադիր տնօրենը Ալեքսանդր Բորդովն է, գեղարվեստական ղեկավարը՝ Ժաննա Կրիկորովան, հոգաբարձուների խորհրդի նախագահը՝ Յուրի Նավոյանը։
