Ֆրանսիայի իշխանությունները 2023 թվականին ճանապարհային երթևեկության կանոնների խախտման համար ռեկորդային՝ 2 միլիարդ եվրոն գերազանցող տուգանքներ են գանձել։ Դրա մասին հայտնել է ֆրանսիական Le Figaro-ն՝ հղում անելով երկրի Հաշվիչ պալատի տվյալներին։

Տուգանքների ընդհանուր չափը 2022 թվականի համեմատ 7%-ով ավելի է եղել: Le Figaro պարբերականի տվյալներով՝ տուգանքների աճը պայմանավորված է նաև երթևեկության տեսախցիկների թվի ավելացմամբ, երբ տեսախցիկները 4530-ից հասել են 4661-ի։

Լրատվամիջոցները, միևնույն ժամանակ, հայտնել են ռադարների՝ վարորդների համար անսովոր փողոցներ կանոնավոր տեղափոխման դեպքերի, ինչպես նաև համապիտանի  ռադարների տարածման մասին: Դրանք, արագության գերազանցումից բացի, ի վիճակի են արձանագրել մեքենան կարմիր լույսի տակով անցնելու, ամրագոտի չկապելու, երթևեկության պահին բջջային հեռախոս օգտագործելու և մի շարք այլ իրավախախտումների դեպքեր։