Գերմանիայում դատում են Հռոմի պապ Բենեդիկտոս XVI-ի կրծքային խաչը գողացած տղամարդուն։ Դրա մասին հայտնել է գերմանական Bild պարբերականը։

Տղամարդը խաչը գողացել է 2023 թվականին Բավարիայի Տրաունշտեյն քաղաքի քաղաքային եկեղեցուց, այնուհետև իր անվտանգության համար անհանգստացած՝ հանձնվել է Չեխիայի ոստիկանությանը: Հանցագործը խոստովանել է, որ թերթերից է իմացել՝ ում խաչն է։

Ծխական համայնքին խաչը նվիրաբերել է Հռոմի պապը 2020 թվականին։ Մասունքին հասնելու համար գողը քանդել է Տրաունշտեյն քաղաքի եկեղեցու պատի մեջ կառուցված ցուցափեղկը։ Տրաունշտեյնում Բենեդիկտոս XVI-ը հաճախել է գիմնազիա և մատուցել իր առաջին պատարագը։

Քանի որ խաչն առնչվում էր պոնտիֆիկոսին, մասունքն արժեքը շուկայում հասնում է մինչև 50 հազար եվրոյի: Իսկ եթե խաչը քահանայապետի հետ առնչություն չունենար,  կարժենար շուրջ 800 եվրո: Գները, որ միջնորդներն առաջարկել են խաչի համար, ձեռք չեն տվել գողին. նրան առաջարկվել էր 18 եվրո:

Մինչ այս Վատիկանը Ճշմարիտ Խաչի բեկորներ էր նվիրել Չարլզ III-ին՝ նրա թագադրման համար։