Այսօր` հունիսի 12-ին, նախկին վարչապետ Անդրանիկ Մարգարյանը կդառնար 62 տարեկան: Այդ առթիվ Հայաստանի նախագահ Սերժ Սարգսյանը, վարչապետ Տիգրան Սարգսյանը, ԱԺ նախագահ Հովիկ Աբրահամյանը, Անդրանիկ Մարգարյանի որդին` Երեւանի քաղաքապետ Տարոն Մարգարյանը այցելել են Կոմիտասի անվան պանթեոն, հարգանքի տուրք մատուցել նրա հիշատակին (ֆոտոռեպորտաժ): Պանթեոն էին այցելել հայտնի հասարակական, քաղաքական գործիչներ, ներկա եւ նախկին պաշտոնյաներ: Նրանք բոլորը Անդրանիկ Մարգարյանին հիշում էին որպես հայրենասեր պետական գործչի, բարի մարդու:
Պաշտոնյաները ծաղիկներ դրեցին նրա հուշարձանին, կատարվեց հոգեհանգստի արարողություն: Պանթեոնից դուրս գալիս Սերժ Սարգսյանին մոտեցավ մի կին, ով իր բողոքն էր ներկայացնում Հայաստանի գլխավոր դատախազ Աղվան Հովսեփյանից, իրեն ներկայացնում էր որպես վերջինիս զոհ: Նախագահը հանձնարարեց իր օգնականին լսել կնոջը եւ ընդունել նրան:
Մանրամասները` տեսանյութում
Լուսանկարը՝ Արսեն Սարգսյանի/NEWS.am
