Գորիսում այսօր՝ հոկտեմբերի 20-ին, առաջին ձյունն է տեղացել։ NEWS.am-ի հետ զրույցում Գորիսի օդերևութաբանական կայանի պետ Նազիկ Մաթևոսյանը նշեց, որ առավոտյան 6։15 րոպեին է ձյունը սկսել տեղալ: Օդի ջերմաստիճանը գիշերը 0,6 աստիճան է եղել:
Բարձրադիր գոտիներոմ ձյունը նստել է, սակայն Գորիս քաղաքում այն արագ հալչել է։
Նազիկ Մաթևոսյանի խոսքով՝ առաջիկա օրերին ջերմասիճանը կբարձրանա հանրապետություն թափանցող տաք հոսանքների պատճառով:
Ինչպես ավելի վաղ հաղորդել էր NEWS.am-ը, Հայաստանի Վայքի, Սիսիանի, Գորիսի եւ Կապանի տարածաշրջաններում այսօր՝ հոկտեմբերի 20–ին, ձյուն է տեղացել, ճանապարհների որոշ հատվածներ պատվել էին մերկասառույցով։ ՀՀ տրանսպորտի եւ կապի նախարարության մամուլի ծառայությունից հայտնում են, որ Վայք-Սարավան եւ Գորիս-Սիսիան ավտոճանապարհների մերկասառույցը մշակված ու մաքրված է: Միջպետական եւ հանրապետական նշանակության ավտոճանապարհները բաց են: