Եթե անգամ Հայաստանը Թուրքիայից քիչ է արտադրում, ապա պետք է ավելի որակյալ արտադրի: Այդ մասին այսօր՝ դեկտեմբերի 5-ին Երեւանում տեղի ունեցած Հայաստանի արդյունաբերողների եւ գործատուների միության համագումարի ընթացքում հայտարարեց նույն միության նախագահ Արսեն Ղազարյանը:
Նրա խոսքով՝ Եվրասիական տնտեսական միությանն անդամակցությունը դեռ չի նշանակում, որ Հայաստանը մրցակից չունի: ԵՏՄ-ի անդամ-գործընկերները, հնարավոր է, որ եղբայրական պետություններ են՝ նման մտածելակերպով եւ ավանդույթներով, սակայն տնտեսության մեջ նրանք մրցակիցներ են:
«Նայեք, ինչ մեքենաներ են Վերին Լարսով Ռուսաստան գնում: 5-ից մեկը թուրքական են: Այո, Թուրքիան մեզնից ավելի շատ է արտադրում, այստեղ օբյեկտիվ պատճառներով դժվար է ինչ-որ բան փոխել: Սակայն այդ դեպքում մենք կարող եւ պարտավոր ենք թող որ քիչ, բայց ավելի որակյալ արտադրանք թողարկել», - ընդգծեց նա:
Լուսանկարը՝ Արսեն Սարգսյանի՝ NEWS.am