«Չեխիայի տաղանդը» (Czech got a talent) հեռուստաշոուի ժամանակ ծագումով հայ 9-ամյա Դիանա Կալաշովան գերել է ժյուրիի անդամներին։ Աղջնակը մրցույթում կատարել է Սելին Դիոնի «The power of love» երգը։ Կատարումից հետո ժյուրիի անդամներն սկսել են հետաքրքրվել, թե որտեղի՞ց է փոքրիկը։ «Ես Հայաստանից եմ»,- պատասխանել է ծնողների հետ Չեխիա արտագաղթած Դիանան։
Ժյուրիի անդամներից մեկը նրա ձայնային տվյալները համեմատել է Շերի (Շերիլին Սարգսյան) ձայնային տվյալների հետ, միեւնույն ժամանակ հիշեցրել, որ շատ տաղանդավոր հայերի գիտի։
«Դիանան նոր աստղ է, եւ հատուկ տաղանդ ունի»,- ասել է նա։