News
Լրահոս
News
Չորեքշաբթի
Մայիս 15
Տեսնել լրահոսը


Հայաստանի և Ադրբեջանի միջև խաղաղության համաձայնագրի շուրջ առաջընթացը հավանական է, բայց բռնկումների կամ լայնամասշտաբ պատերազմի վերսկսման վտանգը կմնա բարձր, քանի որ Ադրբեջանը ձգտում է պահպանել ճնշման լծակները Հայաստանի նկատմամբ, այս մասին ասված է ամերիկյան հեղինակավոր «Stratfor» ուղեղային կենտրոնի՝ 2024 թվականի կանխատեսումների մասին հրապարակած զեկույցում։

Երևանը, ըստ կենտրոնի վերլուծաբանների, կշարունակի ձգտել Բաքվի հետ խաղաղության համաձայնագրի կնքմանը, սակայն տարածաշրջանային տարանցիկ միջանցքների պայմանների շուրջ տարաձայնությունները կշարունակեն խոչընդոտել բանակցություններին:

«Հայաստանը կօգտագործի քաղաքական աճող կապերն Արևմուտքի հետ և ռազմական աջակցությունը վերջինի կողմից՝ դիմակայելու Բաքվի համառ նկրտումներին, բայց հաշվի առնելով այն, որ Երևանը քիչ լծակներ ունի իր ձեռքում, հավանաբար, կընդունի Հայաստանի հարավով տարանցման և սահմանազատման հարցերում Բաքվի առաջ քաշած պահանջները»,- գրում է աղբյուրը։

Փետրվարի 7-ին նախագահ Իլհամ Ալիևի վերընտրվելուց հետո Ադրբեջանը, ըստ «Stratfor»-ի կանխատեսման, կշարունակի մեծացնել ռազմական կարողությունները Հայաստանի հետ սահմանի երկայնքով՝ հնարավոր ներխուժմանը նախապատրաստվելու և բանակցություններում ճնշման լծակներ ձեռք բերելու նպատակով։

«Եթե տարվա առաջին կեսին զգալի առաջընթաց չգրանցվի, Ադրբեջանի կողմից Հայաստանի հարավի նշանակալի տարածք զավթելու ռիսկը կմեծանա ամռանը, երբ լայնածավալ ռազմական գործողություններ սկսելու համար պայմանները նպաստավոր կլինեն։ Չնայած Մոսկվայից հեռանալու Երևանի ցանկության մասին աճող ազդանշաններին, Ռուսաստանի ազդեցությունը Հարավային Կովկասում չի նվազի այնքան, որ այլևս չլինի էական, քանի որ Հայաստանը կմնա Հավաքական անվտանգության պայմանագրի կազմակերպությունում, իսկ երկրի տնտեսությունը սերտորեն կապված կապված ռուսական տնտեսության հետ: Միևնույն ժամանակ, Ադրբեջանի և Ռուսաստանի միջև երկկողմ հարաբերություններն ու առևտրային կապերը կբարձրանան նոր մակարդակի։ Արևելք-Արևմուտք տարանցումը Հարավային Կովկասում կշարունակի իրականացվել հիմնականում Վրաստանի տարածքով, մինչդեռ Բաքուն կնպաստի Ռուսաստանն Իրանին կապող Հյուսիս-Հարավ ենթակառուցվածքի զարգացմանը: Եթե Բաքուն ներխուժի Հայաստան՝ իր էքսկլավ Նախիջևանի հետ ցամաքային կապ հաստատելու նպատակով, Ադրբեջանն ու Թուրքիան կհայտնվեն Արևմուտքի ճնշման տակ և կսպառնան փոխել արտաքին կուրսը՝ հեռանալով Արևմուտքից և ավելի սերտ կապեր հաստատելով Ռուսաստանի, Չինաստանի և Իրանի հետ»,- եզրափակում է «Stratfor»-ը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վերակառուցման և զարգացման եվրոպական բանկը Հայաստանին 12 միլիոն եվրո է հատկացրել «Խաղաղության խաչմերուկի» համար
Երբ խոսում ենք «Խաղաղության խաչմերուկի» մասին, խոսում ենք ոչ միայն...
Եվրահանձնաժողովի ներկայացուցիչը կոչ է անում Երևանում ԵՄ-ի և Կենտրոնական Ասիայի միջև «միջանցք» բացել
Նա կարծում է, որ դա առաջացրել է Եվրոպայի և Ասիայի միջև առևտրային ուղիների արագ զարգացման անհրաժեշտությունը, որոնք կշրջանցեն Ռուսաստանը...
Փաշինյանը հայ-ադրբեջանական սահմանազատման գործընթացում հաստատակամության հույս է հայտնել
ՀՀ վարչապետ Նիկոլ Փաշինյանն այս մասին ասել է  Կոպենհագենի ժողովրդավարության գագաթնաժողովի շրջանակներում անցկացված  «Առաջնագծից…
«Դեմ ենք միակողմանի զիջումներին». Ընդդիմադիրներին ակցիան՝ Երևանի ավագանու նիստի ժամանակ
Ադրբեջանի հետ սահմանազատման աշխատանքների անվան տակ տեղի են ունենում միակողմանի զիջումներ։ Նիկոլ Փաշինյանն ասում է, որ եթե չլինեն այդ…
«Տավուշի սահմանագծումն ու սահմանազատումն օրենքից դուրս է». «Հայաքվեն» հանցագործության մասին հաղորդում ներկայացրեց
Եթե տարածքից նույնիսկ 1 մետր պակասում է…
Ժամանակն է Ադրբեջանի հետ ձեռք բերված համաձայնությունները ներառել խաղաղության պայմանագրում և ստորագրել այն․ Փաշինյան
Մեր տարածաշրջանային կայունության համար մեկ այլ առանցքային կետ է «Խաղաղության խաչմերուկ» նախագիծը, որը նախաձեռնել է իմ կառավարությունը...
Ամենաշատ
Ֆոտոռեպորտաժներ