Նախկինում մենք նախաձեռնել էինք հանդիպումներ իրանցի գործընկերների հետ և ակնկալում էինք նրանց աջակցությունը Ինժեներական քաղաքի կառուցման գործում։ Այս մասին ապրիլի 15-ին լրագրողների հետ հանդիպման ժամանակ ասաց Հայաստանի բարձր տեխնոլոգիական արդյունաբերության նախարար Մխիթար Հայրապետյանը։
Նա շնորհակալություն հայտնեց Հայաստանում Իրանի դեսպանին, որը կարողացել է համոզել իրանական կապալառու ընկերությանը կրկնապատկել շինարարական ռեսուրսները։
«Այժմ այնտեղ շինարարական բում է»,- նշեց Հայրապետյանը։
Նա չկարողացավ նշել բոլոր պատճառները, թե ինչու են նախագծի իրականացման ժամկետները ձգձգվել։
«Ամեն ինչ չէ, որ կախված է մեզանից։ Այս ծրագրի իրականացումը կարևոր է Հայաստանի համար, և ես փորձել եմ ձեռքի ռեժիմով կարգավորել այդ խնդիրը, քանի որ կարող էինք ժամանակ կորցնել»,- ընդգծեց պաշտոնյան։
