Բելգիան ողջունում է Հայաստանի եւ Ադրբեջանի արտաքին գործերի նախարարներ Արարատ Միրզոյանի եւ Ջեյհուն Բայրամովի միջեւ բանակցությունների նոր փուլի անցկացումը, որոնք տեղի են ունեցել մայիսի 10-ին եւ 11-ին Ալմաթիում։
«Բելգիան ողջունում է նաեւ վերջին համաձայնությունը՝ 1991թ. Ալմաթիի հռչակագիրը որպես սահմանազատման հիմք ընդունելու մասին, ինչպես նաեւ խաղաղության պայմանագրի վերաբերյալ բանակցությունները շարունակելու ջանքերը»,- նշվել է Բելգիայի ԱԳՆ X սոցցանցում տեղադրված հայտարարությունում։