Իսրայելական բանակը ոչնչացրել է պաղեստինյան արմատական ՀԱՄԱՍ շարժման 24 գումարտակներից 20-ը։ Այսպիսի հայտարարություն է արել Հրեական պետության վարչապետ Բենիամին Նեթանյահուն ամերիկյան Merit Street Media հեռուստաալիքին տված հարցազրույցում։
«Մեզ հաջողվեց ոչնչացնել ՀԱՄԱՍ-ի 24 ահաբեկչական գումարտակներից մոտ 20 գումարտակ։ Ռաֆահում դեռևս ունենք ոչնչացնելու 4-ը։ Այդ իսկ պատճառով մենք ցանկանում ենք մտնել Ռաֆահ, քանի որ չենք կարող նրանց այնտեղ թողնել»,- ասել է Իսրայելի կառավարության ղեկավարը։
Միևնույն ժամանակ, Նեթանյահուն խոստովանել է, որ Իսրայելը «շատ ուժեղ դիմադրության է հանդիպելու» Ռաֆահում գործողության ժամանակ, սակայն վստահություն է հայտնել, որ իսրայելցի զինվորականները կհաղթահարեն այն։
