Ֆրանսիական Բուշ դյու Ռոն դեպարտամենտի Տրե քաղաքը կեղբայրանա հայկական Վայոց Ձորի մարզի Աղավնաձոր բնակավայրի հետ, հաղորդում է «Le Journal tretsois»-ն:
2011 թ. ապրիլին գյուղապետը, մի քանի բնակիչներ եւ ֆուտբոլային ակումբի երիտասարդներ եղել են Տրեում` միջազգային ֆուտբոլային մրցաշարի մասնակցելու նպատակով: Այդ ժամանակ Տրեի քաղաքապետարանում փոքրիկ ընդունելություն է կազմակերպվել, սակայն եղբայրացման իսկական արարողությունը տեղի կունենա հունիսի 22 -ին Տրեում, իսկ ապրիլին քաղաքը կազմակերպում է Հայաստանի հետ կապված մի շարք միջոցառումներ: Այս գարնանը Տրեից մի քանի պատգամավորներ կայցելեն Աղավնաձոր:
