Հայոց ցեղասպանությունը պետք է ճանաչվի ամբողջ աշխարհում: Այդ մասին այսօր` ապրիլի 24-ին, Հայոց ցեղասպանության զոհերի Ծիծեռնակաբերդի հուշահամալիր այցելելու ընթացքում նշել է Հայաստանում Ռուսաստանի դեսպան Վյաչեսլավ Կովալենկոն: Նա միաժամանակ համոզմունք է հայտնել, որ ճանաչման գործընթացն անխուսափելի է:
Ըստ ռուս դիվանագետի` Ցեղասպանության ժխտումը պետք է ենթարկվի օստրակիզմի: Մարդկությունն իր պահպանման համար պետք է ամեն ինչ անի, որպեսզի նման ցեղասպանությունները չկրկնվեն, նշել է Կովալենկոն, հաղորդում է NEWS.am-ի թղթակիցը:
