Թուրքիայի արդարադատության նախարար Սադուլահ Էրգինը, Տրանսպորտի եւ հեռահաղորդակցության նախարար Բինալի Յըլդըրըմը, Ֆինանսների նախարար Մեհմեդ Շիմշեքն այցելել են Հայոց ցեղասպանությունից հետո Թուրքիայում մնացած միակ հայկական գյուղը:
Մուսա լեռան փեշին գտնվող Վագըֆ գյուղ այցի ընթացքում 3 թուրք նախարարներին ուղեկցել են նաեւ Հաթայի նահանգապետը, իշխող «Արդարություն եւ զարգացում» կուսակցության 3 պատգամավորներ, «Ֆեներբահչե» ֆուտբոլային ակումբի փոխնախագահը:
Այցի ժամանակ Թուրքիայի ֆինանսների նախարարը պնդել է, թե Թուրքիայում հանդուրժողականություն կա եւ անկախ նրանից թե քաղաքացիներն ինչ կրոնի կամ էթնիկ խմբի են պատկանում, բոլորն ապրում են խաղաղության մեջ եւ եղբայրաբար:
Նշենք, որ Վագըֆ (Վաքըֆլը) գյուղն ունի 135 բնակիչ, սակայն 10 տարի առաջ այդ թիվն անցում էր 180-ը: Վագըֆում վերջին հարսանիքը եղել է 6 տարի առաջ, իսկ ծնունդ գրանցվել է 3 տարի առաջ:
