Ադրոնային մեծ կոլայդերում նոր մասնիկ են հայտնաբերել, ավելի ճիշտ` նախկինում բացահայտված չեզոք քսի-բարիոնի գրգռված վիճակը, որում այն ավելի ծանր է, քան սովորական վիճակում:
Առաջին անգամ չեզոք քսի-բարիոնը հայտնաբերվել էր ֆիզիկոսների կողմից, որոնք 2011 թվականի հուլիսին աշխատում էին ամերիկյան Թեւաթրոն կոլայդերի վրա: CDF կոլաբորացիան չափում էր մասնիկների զանգվածը, որը հավասար է եղել 5787,8 6 մեգաէլեկտրոնվոլտ` լույսի արագության քառակուսու հարաբերակցությամբ, հայտնում է «Զերկալո նեդելին»:
Այժմ ֆիզիկոսները Ադրոնային մեծ կոլայդերի սարքերից մեկի` CMS-ի օգնությամբ հայտնաբերել են չեզոք քսի-բարիոնը գրգռված վիճակում: Դա նշանակում է, որ այդ մասնիկը բաղկացած է նույն այն տարրերից, ինչ որ CDF-ի կողմից հայտնաբերված քսի-բարիոնը սովորական վիճակում, սակայն ունի ավելի շատ էներգիա, այդ պատճառով էլ ավելի շատ զանգված: CMS սարքով չափված գրգռված քսի-բարիոնի զանգվածը կազմել է 5945 3 մէվ: Հենց զանգվածների տարբերությունն էլ թույլ է տալիս ֆիզիկոսներին խոսել ոչ թե նոր վիճակի, այլ նոր մասնիկի հայտնաբերման մասին:
Գրգռված չեզոք քսի-բարիոնն անկայուն մասնիկ է: Նա համարյա վայրկյանական քայքայվում է` վերջին հաշվով թողնելով պրոտոն, երկու մյուոններ եւ երեք պիոններ:
