Հայաստանի 5-րդ գումարման խորհրդարան անցած համամասնական պատգամավորներից մանդատները չեն վերցրել «Ժառանգության» երեք ներկայացուցիչները` Րաֆֆի Հովհաննիսյանը, Զարուհի Փոստանջյանը եւ Ռուբեն Հակոբյանը։ Այս մասին NEWS.am-ին հայտնեցին Կենտրոնական ընտրական հանձնաժողովից:
«Ժառանգության» փոխնախագահ Ռուբեն Հակոբյանը NEWS.am-ի թղթակցի հետ զրույցում նշեց, որ մինչեւ «Ժառանգության» համագումար, որը կկայանա հունիսի 2-ին, իրենք մանդատները չեն վերցնելու:
Հարցին, թե որն է պատճառը, որ «Ժառանգությունը» չի վերցրել մանդատները, նա պատասխանեց. «Բոլոր նմանատիպ հարցերի պատասխանները կտրվեն համագումարից հետո»:
Մանդատները ԿԸՀ-ից ստացել են «Ժառանգության» համամասնական ցուցակի երկու ներկայացուցիչները` Խաչատուր Քոքոբելյանն ու Ալեքսանդր Արզումանյանը, ովքեր «Ազատ դեմոկրատներ» կուսակցությունից են:
Բոլոր մնացած պատգամավորները, այդ թվում ՀԱԿ խմբակցության անդամներն արդեն ստացել են իրենց մանդատները:
Նշենք, որ օրենքը պատգամավորների` մանդատներ ստանալու վերջնաժամկետ չի սահմանում:
