ԱՄՆ պետքարտուղար Հիլարի Քլինթոնի այցը տարծաշրջան, կարծես թե, խանգարվեց ադրբեջանական դիվերսիոն գործողությունների պատճառով: Այս մասին, այսօր` հունիսի 11-ին, լրագրողների հետ հանդիպման ժամանակ նշեց Տարածաշրջանային հետազոտությունների կենտրոնի ղեկավար, քաղաքագետ Ռիչարդ Կիրակոսյանը:
Բայց, ըստ նրա, կարեւոր եւ հատկանշականն այն է, որ Քլինթոնն այցելեց նաեւ Թուրքիա, որովհետեւ թուրք-ամերիկյան հարաբեություններում տեսանելի է նոր հարթակ եւ նոր մակարդակ:
Քաղաքագետը կարծիք հայտնեց, որ թուրք-ամերիկյան հարաբերությունները դեռ խիստ լարված են, սակայն կան նաեւ դրական զարգացումներ:
«Դա պայմանավորված է Սիրիայում տիրող իրավիճակով, քանի որ Թուրքիան զինամթերք է մատակարարում սիրիական ապստամբներին, որը ծառայում է նաեւ ԱՄՆ շահերին: Միաժամանակ Ռուսաստանը զինամթերք է մատակարարում Ասադի կառավարությանը, որը նշանակում է, որ Թուրքիան ու Ռուսաստանը կունենան շահերի բախում»,-ասաց Ռ. Կիրակոսյանը:
Լուսանկարը` Սոնա Բարսեղյանի
