Ռուսաստանի նախագահ Վլադիմիր Պուտինը կնպաստի միջազգային իրավունքի հիման վրա Լեռնային Ղարաբաղի հակամարտության արդարացի կարգավորմանը: Այս մասին հայտարարել է Ադրբեջանում Ռուսաստանի դեսպան Վլադիմիր Դորոխինը` APA-ին տված հարցազրույցում:
«Նախագահ Պուտինը լավ գիտի ղարաբաղյան հակամարտության պատճառներն ու խորությունը: Որպես քաղաքական գործիչ, ով ըստ ՌԴ Սահմանադրության պատասխանատու է արտաքին քաղաքական ուղեգծի մշակման եւ իրականացման համար, նա, անկասկած, կնպաստի միջազգային իրավունքի հիման վրա այդ հակամարտության արդարացի կարգավորմանը»,-ասել է դեսպանը: