Վրաստանի նախագահ Միխայիլ Սահակաշվիլին Բաթումիում հանդիպել է ԵԱՀԿ գործող նախագահ, Իռլանդիայի ԱԳ նախարար Էյմոն Գիլմորի հետ: Պաշտոնական ճաշի ժամանակ նրանք քննարկել են երկու երկրների միջեւ քաղաքական, տնտեսական եւ մշակութային երկկողմ հարաբերությունների խորացման հեռանկարները, հաղորդում է «Գռուզիա online»-ը:
Իռլանդիան, որպես ԵԱՀԿ նախագահող երկիր, Վրաստանի հետ քննարկել է Վրաստանում այդ կազմակերպության առաքելության վերականգնման հնարավորության հարցը:
Իռլանդիայի ԱԳ նախարարը Հարավային Կովկասում է գտնվում տարածաշրջանային այցի շրջանակներում: