Հունիսի 12-ին, ժամը 21.30-ին, Շիրակի փողոցում իրար են բախվել «ԲՄՎ», «Ֆոլքսվագեն Գոլֆ» եւ «Սամանդ» մակնիշի ավտոմեքենաներ: Պատահարի հետեւանքով «Սամանդ»-ի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:
Ոստիկանության լրատվության վարչությունից հայտնում են, որ Հունիսի 13-ին, ժամը 11.30-ին, «Ֆոլքսվագեն վենտո» մակնիշի ավտոմեքենայի վարորդը Աբովյան փողոցի թիվ 58 շենքի մոտ վրաերթի է ենթարկել տարեց մի տղամարդու, որը մարմնական վնասվածքներով տեղափոխվել է հիվանդանոց:
Հունիսի 13-ին, ժամը 17.30-ի սահմաններում, Վանաձոր-Ալավերդի ճանապարհի 1-ին կմ-ին «ՖՈՐԴ ՍԿՈՐՊԻՈ» մակնիշի ավտոմեքենա է շրջվել եւ ընկել ձորը: Վարորդը մարմնական վնասվածքներով տեղափոխվել է հիվանդանոց:
Հունիսի 13-ին, ժամը 21.00-ի սահմաններում Գյումրի-Արմավիր ճանապարհի 20-րդ կմ-ին «Օպել-Վեկտրա» մակնիշի ավտոմեքենա է շրջվել, ինչի հետեւանքով վարորդը եւ ուղեւորուհին մարմնական վնասվածքներով տեղափոխվել են հիվանդանոց:
Բոլոր դեպքերով կատարվում է քննություն: