Ռուսաստանի քննչական կոմիտեի ղեկավար Ալեքսանդր Բաստրիկինի եւ «Նովայա գազետայի» լրագրողների միջեւ կոնֆլիկտն ավարտված է:
Քննչական կոմիտեի նախագահն, այսօր` հունիսի 14-ին, ռուսական լրատվամիջոցների գլխավոր խմբագիրների հետ հանդիպման ժամանակ ներողություն է խնդրել «Նովայա գազետայի» գլխավոր խմբագիր Դմիտրի Մուրատովից` թերթի հասցեին իր արած զգացմունքային արտահայտությունների համար:
«Ինձ համար օրակարգն սպառված է, հաշտությունը կայացել է»,-հանդիպման ժամանակ հայտարարել է Մուրատովը, հաղորդում է «ՌԻԱ նովոստին»:
Բաստրիկինը եւ Մուրատովը շնորհակալություն են հայտնել միմյանց փոխըմբռնման համար եւ իրար ձեռք սեղմել:
Ավելի ուշ Մուրատովը լրագրողներին հայտարարել է, որ «Նովայա գազետայի» գլխավոր խմբագիր Սերգեյ Սոկոլովը կարող է վերադառնալ Մոսկվա:
