Ռուսաստանի քննչական կոմիտեում ավարտվել է հեռուստահաղորդավարուհի Քսենյա Սոբչակի հարցաքննությունը: Նրա փաստաբանը հայտարարել է, որ Սոբչակին արդեն վերադարձրել են արտասահմանյան անձնագիրը, շուտով պետք է վերադարձնեն նաեւ գումարները:
Հիշեցնենք, որ ավելի քան 1 մլն եվրոյի գումար են գտել Սոբչակի տան խուզարկության ժամանակ: Քննչական կոմիտեն ցանկացել է պարզել այդ գումարների աղբյուրը եւ այն, թե ինչի համար է նախատեսված այն:
Այսօր` հունիսի 15-ի առավոտյան, երբ Սոբչակին պետք է հարցաքննեին, հեռախոսային ահաբեկիչը հայտնել է Քննչական կոմիտեում ռումբի մասին:
«Ես իհարկե, ամեն ին հասկանում եմ, բայց եթե ինձ վրա դնեն ռումբի ու զանգի գործը, ապա դա, ինչպես ասում է Ֆիլիպ Կիրկորովը, կլիներ too much»,-հայտարարել է Սոբչակը:
Ավելի ուշ նա Twitter-ի իր էջում գրել է. «Կարճ ասած, Լենինը դարակում է, Աստվածաշունչը` սեղանի վրա, Քսենյա Սոբչակն` աթոռին: Իսկական պոստմոդեռնիզ, ձեր մերը»:
