Հոլիվուդյան հայտնի դերասանուհի Լինդսի Լոհանը հունիսի 15-ին անգիտակից վիճակում հայտնաբերվել է Մարինա դել Ռեյ քաղաքի (Քալիֆորնիա նահանգ) «Ռիտց Կարլտոն» հյուրանոցում:
Նրան տարել են տեղի հվանդանոցներից մեկը, որտեղ բժիշկները տվել են ախտորոշումը` հյուծում եւ ուժեղ ջրազրկում:
Կարճ հետազոտությունից հետո նրան հիվանդանոցից դուրս են գրել, այժմ դերասանուհին իրեն նորմալ է զգում, հաղորդում է ԻՏԱՌ-ՏԱՍՍ-ը` վկայակոչելով ամերիկյան լրատվամիջոցներին:
Վերջին շաբաթվա ընթացում երգչուհի եւ դերասանուհի Լոհանն արդեն երկրորդ անգամ է հիվանդանոց ընկնում: Հունիսի 8-ին նա հոսպիտալացվել էր այն բանից հետո, երբ վթարի էր ենթարկվել քալիֆորնիական Սանտա Մոնիկա քաղաքում: Այդ ժամանակ նա թեթեւ վնասվածքներ էր ստացել: