Ֆրանսիայի իշխանությունները ԱՄՆ-ին են հանձնել հանրահայտ հաքեր Վլադիսլավ Խորխորինին` Մոսկվայում ծնված Իսրայելի եւ Ուկրաինայի քաղաքացուն: Այդ մասին ասվում է ԱՄՆ արդարադատության նախարարի հաղորդագրության մեջ:
Հաղորդվում է, որ հունիսի 14-ին 27-ամյա հաքերը կանգնել է դատարանի առջեւ: Մինչ դատաքննության ավարտը նա կգտնվի մեկուսարանում:
Խորխորինը մեղադրվում է ողջ աշխարհում բանկային հաշիվներից մոտ 9,5 մլն դոլար հափշտակելու եւ Մոսկվայում միջոցների ապօրինի կանխիկացման մեջ: Նա մեղադրվում է կրեդիտային քարտերի մասին գողացված տեղեկատվության վաճառքի եւ կանխիկ միջոցների գողության մեջ: