Անվճար խմիչք ստանալու ակնկալիքով դանիացիները սիրահոժար մերկացել են եւ հերթ կանգնել գերմանական սուպերմարկետի մոտ:
Դանիայի հետ սահմանակից հյուսիսգերմանական Զյուդերլյուգում քաղաքում բացված սուպերմարկետի կառավարիչը հայտարարել է, որ առաջին հարյուր այցելուները, ովքեր խանութ կգան բոլորվին մերկ, կարող են 270 եվրոյի անվճար ապրանք վերցնել:
Մարդիկ եկել են դեռ գիշերը, քնել վրաններում, իսկ առավոտյան մերկ վիճակում հերթ կանգնել խանութի մոտ: Ակցիան նախաձեռնողը նման հոսք հաստատ չէր կարող ակնկալել: «Ես հույս ունեի, թե կգա առավելագույնը տասը գնորդ», -զարմացած ասել է նա: Հիմնականում գնորդները խմիչք են վերցրել: Շատերը եկել են դանիական կողմից, քանի որ այնտեղ ալկոհոլի գինն ավելի բարձր է, քան Գերմանիայում: