Երեկ` հունիսի 18-ին սարսափելի դեպք է տեղի ունեցել Արմավիրի մարզում: Մայիսյան գյուղի մի ջրատարում նորածնի դիակ են գտել: Նորածինն արական սեռի է եղել, անգամ պորտալարը կտրված չի եղել: NEWS.am-ի աղբյուրի փոխանցմամբ, դաշտում աշխատող գյուղացիներն են պատահմամբ գտել երեխայի դին ու ահազանգել իրավապահներին: Թե ինչպես է երեխան հայտնվել ջրատարի մեջ, դեռ հայտնի չէ:

Ոստիկանությունից մեր թղթակցի հետ զրույցում միայն հաստատել են, որ նման ահազանգ են ստացել եւ հայտնել, որ հանգամանքները պարզվում են: